Sayyiduna Ali ke Fazail o Manaqib (Roman Urdu)

Hazrat Şafiyah bint Shaybah j se riwayat hai: Hazrat ‘Ä’ishah j bayan farmātī hain kih Huzür Nabiye Akram ke waqt is häl men bähar tashrif lä’e kih ap ne ek chadar orh rakhi thi jis par siyāh ün se kajāwon ke naqsh bane huwe the. Hazrat Hasan bin ‘Ali ä’e to ap ne unhen usi chadar meń däkhil kar liyä, phir Hazrat Husayn ä’e aur un ke sath chadar men dakhil ho ga’e, phir Sayyidah Fāțimah a’in to apne unhen bhi chadar men dakhil kar liyā, phir Hazrat Ali ä’e to ap ne unhen bhī chadar men däķhil farmā liyā. Phir apne yeh Ayate mubarakah paṛhī: “Ae Ahle Bait! Allah to yehi chahtã hai kih tum se (har țarḥ kī) ālūdagi dür kar de aur tumhen khüb pāk-o şaf kar de.”

“Hazrat Bara’ bin ‘Azib se riwayat hai ham Huzūr Nabiye Akram ke sath safar par the, (räste men) ham ne wādiye Ghadire Ķhum men qiyām kiya. Wahāń nidā dī ga’ī kih Namaz khari ho ga’i hai aur Huzūr Nabiye Akram ke liye do darakhton ke niche şafā’ī kī ga’ī, pas āp ne Namaz Zuhr adā kī aur Hazrat ‘Alī kā hāth pakar kar farmāyā: Kyā tumhen ma’lūm nahīn kih main Mominon ki jānon se bhī qarīb-tar hün? Unhon ne kaha : Kyūn nahīn! Āp ne farmāyā: Kyā tumhen ma’lūm nahīn kih main har Momin kī jān se bhī qarīb-tar hün? Unhon ne kahā: Kyūn nahīń! Rāwī kähtā hai kih phir ap ne Hazrat Ali kā hāth pakar kar farmāyā: “Jis kā main Mawlā hūn us kā ‘Alī Mawlā hai. Ae Allāh! Use Tū dost rakh jo ise (‘Alī ko) dost rakhe aur us se ‘adāwat rakh jo is se ‘adāwat rakhe.” Rāwī kähtä hai kih is ke ba’d Hazrat ‘Umar ne Hazrat Ali se mulāqat ki aur un se kahā: “Ae Ibn Abi Talib! Mubarak ho, ap subh-o shām (ya’ni hameshah ke liye) har Momin aur Mominah ke Mawlä ban ga’e.