Islam Ka Tasawwur-e-Milkiyat

شیخ الاسلام ڈاکٹر محمد طاہرالقادری کی زیرِنظر تصنیف ’اسلام کا تصوّرِ ملکیت‘ میں اسلام کے تصورِ مال اور تصورِ ملکیت کو شرح و بسط ست بیان کیا گیا ہے۔ اسلام کے تصورِ مال کی توضیح کرتے ہوئے اسلام کے بنیادی مصادر کی روشنی میں اس امر کی وضاحت کی گئی ہے کہ تمام اموال کا مالکِ حقیقی اللہ تعالیٰ ہے اور انسان صرف اس کا امین ہے۔ گو انسان کو مال کے اکتساب، ملکیت اور تصرف کا حق دیا گیا ہے مگر یہ حق مطلق نوعیت کا نہیں ہے بلکہ ان قواعد و ضوابط کا پابند ہے جو مالکِ حقیقی نے عطا کیا ہے۔ اس لیے جب بھی حقِ ملکیت یا حقِ تصرف کو روبہ عمل لایا جائے گا تو اس میں اقتصاد و اعتدال کا لحاظ سرِ فہرست ہوگا۔ اس طرح بخل اور اسراف و تبذیر سے اجتناب اور معاشرے کیلئے نفع بخشی اور فیض رسانی کا لحاظ بھی حقِ ملکیت اور حقِ تصرف کو استعمال کرتے ہوئے پیشِ نظر رکھنا ضروری ہے۔ اسی نکتے کی توضیح ’انفاق فی المال‘ کے عنوان سے کی گئی ہے اور اس امر کی وضاحت کی گئی ہے کہ انفاق فی المال ایک نفلی عمل نہیں بلکہ قرآن و سنت کی بنیادی تعلیم اور شریعت کا بنیادی تقاضا ہے جس کے بغیر عقائد، عبادات اور شریعت کی تمام تعلیمات کے اندر روح باقی نہیں رہتی، حتیٰ کہ انفاق کے انکار کو تکذیبِ دین تک قرار دیا گیا ہے۔ زیرِ نظر کتاب میں شیخ الاسلام نے اسلامی معاشی نظام کے بنیادی افکار کے ابلاغ اور معاشرے میں ان کے فروغ کا مؤثر وسیلہ ثابت ہوگی۔

فہرست