Khune Muslim Ki Hurmat (Roman Urdu)

Is men ko’ī shak nahīn kih jamhür Musalmānon par shirk-o bid’at ke fatwe lagā kar un ke khūn ko mubāḥ qarar dene wāle dahshat-gard hain. In ahāwāl-o zurūf, mujālasat-o muşāhabat aur nafsīyāt kā tanqīdī jāizah liyā jā’e to yeh haqiqat roze raushan ki tarh ‘iyān ho jātī hai kih un kī zehni wa fikri tarbīyat nihāyat tang mahaul men hū’ī hai. Is ke asbab men se Ummat kī ijtimā’ī dānish se dūrī, jadīd ‘aşrī ‘ulūm-o afkār aur Islām ko dar-pesh chailenjiz se ‘adame wāqifiyat aur tang-nazarī sare fehrist hain. Intihā-pasandī isī tang-nazarī kā natījah hai jo insān ko jāriḥīyat par uksātī hai aur phir jāriņīyat kā manțaqī natījah dahshat-gardī kī bhayānak şürat meń rū-numā hotā hai.

Kitne afsos kā maqām hai kih dunyā ko ehtirame ādamīyat, hurmate insānīyat aur mahabbat-o yagānagat kā dars dene wāle Musalmān āj khud nafrat-o taşādum, iftiraq-o intishār aur jabr-o tashaddud kā shikār haiń. Dīn ke nāqiş aur adhūre fahm ki wajh se āj ḥālat yahān tak pahõnch chuki hai kih mahz fikri wa nazarīyātī aur e’tiqādī ikhtilaf ki wajh se apne mukhālifin ko qatl karnā aur un ke jān-o māl ko talaf karnā bā’ise ajr-o sawāb samjhā jāne lagā lagā hai. Zere nazar kitābache men isī ķhațar-nāk fikrī muġhālațe ke izāle kī koshish kī ga’ī hai jis men Musalmanon kī jān-o māl aur ‘izzat-o ābrī kī hurmat bayān karte huwe Islām aur jihad ke nām par khūne Muslim se holi khelne walon ke saffāk chehroń ko nā-qābile tardīd dalā’il se be-naqab kiyā gaya hai.