Arbaeen : Fazail-e-Sadqat Wa Khairat (Urdu)

قرآن حکیم کی نظر میں وہ معاشرہ اسلامی نہیں جس کے افراد دوسرے انسانوں کی ہمدردی اور بہی خواہی کے جذبے سے خالی ہوں۔ انسانیت کے درد اور جذبہ خدمت سے خالی خود غرضانہ، مفاد پرستانہ اور بہیمانہ طرز زندگی میں کوئی عبادت، عبادت نہیں اور نہ کوئی نماز ، نماز ہے۔ مسلمان کا اپنے مال میں سے زکوۃ و عشر اور صدقہ فطر کے علاوہ صدقہ و خیرات کرنے کا بھی بہت بڑا ثواب ہے اور دنیا و آخرت میں اس کے بڑے فوائد و منافع ہیں ۔ صدقہ و خیرات کی روح قرآنی ارشاد قُلِ الْعَفُو – میں مضمر ہے، جس کا مفہوم یہ ہے کہ اگر حالات ناگزیر ہو جائیں تو لازم ہو جاتا ہے کہ ضرورت سے زائد ہر شے اللہ کی راہ میں معاشرے کے حاجت مند افراد میں تقسیم کر دی جائے ، ضرورت مند افراد کی مالی اعانت اس انداز سے کی جائے کہ ان کی عزت نفس بھی مجروح نہ ہو اور ان کی بنیادی ضروریات بھی پوری ہوں۔