Tahqiq-e-Masail Ka Shar‘i Usloob (Urdu)

دور حاضر کے عظیم اسلامی مفکر ، محدث، مفسر اور نابغہ عصر شیخ الاسلام پروفیسر ڈاکٹر محمد طاہر القادری نے پنجاب یونی ورسٹی سے ایم ۔ اے اور قانون کے امتحانات اعلیٰ ترین اعزازات کے ساتھ پاس کیے اور ڈاکٹریٹ کی ڈگری حاصل کی۔ شیخ الاسلام ڈاکٹر محمد طاہر القادری نے عالم اسلام کی عظیم المرتبت روحانی شخصیت قدوة الاولیاء سیدنا طاہر علاؤ الدین القادری الگیلانی البغدادی سے طریقت و تصوف اور سلوک و معرفت کی تعلیم و تربیت حاصل کی اور اخذ فیض کیا۔ آپ نے علم الحدیث ، علم التفسير ، علم الفقه ، علم التصوف والمعرفة ، علم اللغة والأدب ، علم النحو والبلاغة اور ديگر کئی اسلامی علوم و فنون اور منقولات و معقولات کا درس اور اسانید و اجازات اپنے والد گرامی سمیت ایسے جید شیوخ اور کبار علماء سے حاصل کی ہیں جنہیں گزشتہ صدی میں اسلامی علوم کی نہ صرف حجت تسلیم کیا جاتا ہے، بلکہ وہ حضور نبی اکرم منی با نام تک مستند و معتبر اسانید کے ذریعے منسلک ہیں۔

آپ پنجاب یونی ورسٹی لاء کالج میں قانون کے استادر ہے ہیں۔ آپ نے پاکستان میں اور بیرونِ ملک امریکہ، کینیڈا، برطانیہ، اسکینڈی نیویا، یورپ، افریقہ، آسٹریلیا اور ایشیا خصوصاً مشرق وسطیٰ اور مشرق بعید میں اسلام کے مذہبی وسیاسی ، روحانی و اخلاقی ، قانونی و تاریخی، معاشی و اقتصادی، معاشرتی وسماجی اور تقابلی پہلوں پر مشتمل مختلف النوع موضوعات پر ہزاروں لیکچرز دیے۔ آپ کے سیکڑوں موضوعات پر چھ ہزار سے زائد لیکچرز ہیں، جن میں بعض موضوعات ایک ایک سو سے زائد خطابات کی سیریز کی شکل میں ہیں۔ آپ کی تصانیف کی تعداد ایک ہزار (1,000) ہے جن میں سے 650 سے زائد کتب اردو، انگریزی، عربی و دیگر زبانوں میں طبع ہو چکی ہیں، جب کہ مختلف موضوعات پر آپ کی بقیہ کتب کے مسودات طباعت کے مختلف مراحل میں ہیں۔ آپ کی قائم کردہ تحریک منہاج القرآن 90 سے زائد ممالک میں اسلام کا آفاقی پیغام امن و سلامتی عام کرنے کے لیے مصروف عمل ہے۔ بلاشبہ شیخ الاسلام ڈاکٹر محمد طاہر القادری ایک فرد نہیں بلکہ عہد نو میں ملت اسلامیہ کے تابندہ و روشن مستقبل کی نوید ہیں۔